Акыркы коңгуроодо биринчи класстын окуучусу асманга жансыз көгүчкөн ыргытып жиберди(видео)
Кыргызстандын Билим берүү жана илим министрлиги бул үйрөй учурган окуя кайда болгонун тактап жатат
Мектептердин биринде акыркы коңгуроо салтанатын өткөрүү маалында болуп өткөн окуя социалдык тармактардын колдонуучуларынын үрөйүн учурууда. Окуя так кайсы жерде болгону азырынча белгисиз. Анда биринчи класстын кичинекей окуучу кызы колундагы көгүчкөндү асманга учурууга аракет кылып, бирок куш талп этип дароо жерге кулап түшкөн. Көрсө жаш кыз аны учурууга аракет кылган маалда эле өлүп калган болчу экен.
Бул окуучулардын мугалимдерге даярдаган күтүүсүз белеги болчу сыңары. Чоң белек кутучасынан кубанган биринчи класстын окуучусу чыга калып, асманга көгүчкөн учурмак. Белек чынында эле бардыгына күтүүсүз болду...
Публикацияга пикир калтыргандар окуучу кыз кушту кутуда отурган маалда кокустан өлтүрүп алса керек деп божомолдошууда.
Ал ортодо, Vesti.kg Билим берүү министрлигине бул окуя боюнча пикирин угууга кайрылып, алар тарабынан азыр видео так кайсы жерде тартылганын тактоо иштери жүрүп жатканын биле алды.
Фото www
Окшош макалалар
- УКМК: Опузалап акча талап кылган кылмыштуу топтун мүчөлөрү кармалды (фото)
- Ала-Арча паркы эки күнгө жабык болот
- Быйыл Кыргызстанга 10 миллионго жакын туристтердин келиши күтүлүүдө
- Дагы бир талапкер добуш сатып алууга шектелүүдө – УКМК
- Депутаттар ЖМКны жабууну татаалдаштырган мыйзам долбоорун четке какты