Төрага таластыкча «моюнча» дебей, «боюнча» деп сүйлөөгө убада берди

Жыйынтыктоочу пресс-конференцияда журналист парламент спикери Дастан Жумабековдон качан туура эмес сүйлөгөндү токтотоорун сурады.

- Сиз дайыма «боюнча» деген сөздү «моюнча» деп бузуп сүйлөйсүз, - деп белгиледи ММК өкүлү. - Депутаттар дайыма сөздү бурмалап сүйлөшөт - бул жагымсыз нерсе.  Сиздерге элдин баары карап турат, туура сүйлөш керек.

Төрага бул суроого мындайча жооп узатты.

- Мен Таласта өскөм, ошондуктан жаш чагымдан бери ушинтип сүйлөп көнүп калгам, - деп түшүндүрдү ал. Көп адамдар мага ушул тууралуу айтышат. Мен туура сүйлөөгө аракет жасайм эми. Кимдир бирөөгө бул жакпай жаткан болсо, кечирим сурайм.

Вероника Малышева
Фото www