Экс-депутат Дамирбек Асылбек уулунун камакта калуусун дагы узартышты
Чечимди Алматы шаардык соту кабыл алды
Алматыда кармалган Жогорку Кеңештин экс-депутаты Асылбек уулу Дамирбектин камакта калуусун дагы узартышты. Бул тууралуу казак ММК тары жазып чыгышты.
Алматынын шаардык соту камакты 2018-жылдын 15-октябрына чейин узарткандыгын билдиришти. Чечим 9-августта кабыл алынган.
Эске салсак, мурда ушул эле сот камакты 15-августка чейин узарткан болчу.
Февраль айында Дамирбек Асылбек уулун казак күч органдары атайын операция учурунда кармашкан.
Депутатка карата 234-берененин 2 п. 3 б. менен кылмыш ишин козгошкон ( Евразиялык Экономикалык уюмдун ири өлчөмдөгү товарларын бажы чегарасы аркылуу мамлекеттик функцияны аткаруучу ыйгарым укуктуу адам тарабынан ташуу) жана Казак Республикасынын КК 264 беренесинин 2 б. менен «Эл аралык уюмдашкан топко катышуу же эл аралык ушкан кылмыштуу топко катышы бар» кылмыш ишин козгогон.
Зулайка Эркимбаева
Сүрөт www