Токон Мамытов омбудсменге талапкерлигин койдубу?
Мурдагы вице-премьер-министр аталган кызматты ээлөөгө каршы эмес экендигин билгизди
Кыргызстандын омбудсмен кызматына Кыргызстан элдеринин Ассамблеясынын төрагасы, экс-вице-премьер Токон Мамытовдун талапкерлигин сунуш кылышты. Бул туурасында Vesti.kg сайтына Жогорку Кеңештеги булактарыбыз билдирди.
Мамытовдун өзү бул маалыматты төгүндөдү. Ал Vesti.kg сайты менен болгон маегинде андай сунуш кылынбагандыгын билдирди.
- Мен муну биринчи жолу угуп жатам, - деп жооп берди Токон Болотович. - Бирок сунуш кылыша турган болсо иштеп берем. Адамдардын укугун коргоо - бул кызыктуу багыт. Бирок эч ким мага талапкерлигимди коюу тууралуу сунуш кылган жок. Бул чамасы жөн эле сөз болсо керек.
Эске салсак, акыйкатчынын орду эки айдан бери бош турат.
Зулайка Эркимбаева
Сүрөт www