УКМКнын ККК башчысынын орун басары: Тарых музейинин иши боюнча шектүү азырынча жок
Чекисттин сөзү боюнча, 118 миллион сом келтирилген зыян иликтөөнүн жүрүшүндө дагы өзгөрүшү мүмкүн
«Ата-Мекен» фракциясынын бүгүнкү жыйынында Сайдулла Нышанов Тарых музейинин иши боюнча шектүү киши барбы деп кызыкты.
- 118 миллион сом келтирилген зыянга ким жооп берет? Кимдир бирөө айыпталдыбы? - деп сурады ал.
Бул суроого УКМКнын ККК директорунун орун басары Талантбек Кожонов жооп берди.
- 118 миллион деген жөн эле алды ала Эсептөө палатасынын маалыматтары, - дейт ал. - Тизмелөөчү акт кийинчерээк көрсөтүлөт. Келтирилген зыяндын суммасы да балким өзгөрүп калышы мүмкүн. Ошондон кийин гана экспертиза дайындалып, ошонун жыйынтыгына карап айыптоо угузулат.
Зулайка Эркимбаева
Сүрөт www
Бизди Телеграм каналыбыздан окуңуз