"Батуми" кафесин буздурган Нурдан Орунтаев УКМКга суракка чакырылды
Кафе ээсинин жактоочусу буга чейин Орунтаевдин үстүнөн арыз жазганын айткан
"Батуми" кафесин буздурган Бишкек шаарынын вице-мэри Нурдан Орунтаев УКМКга суракка чакырылды. Бул туурасында Sputnik Кыргызстан агенттигине маалымат булактары билдирди.
Белгилей кетсек, Орунтаев шаршемби күнү атайын техника менен барып кафени буздуруп, ичиндеги буюм-тайымдарды сыртка чыгартып салган. Ал кафе мыйзамсыз курулганын, бузуу боюнча алдын ала кабарлама берилсе тоготпой коюшканын айтууда. Ал эми "Батуминин" ээсинин адвокаты муну аша чабуу катары сыпаттап, бузууда 9 миллион сомго жакын зыян келтирилип, 50 адам жумушсуз калганын белгилеген.
Окуя болгон күндүн эртеси кафеге УКМК төрагасы Камчыбек Ташиев барып, эгер сүрдүрүү мыйзамсыз болсо күнөөлүүлөрдү жоопко тартууга тапшырма берген. Өз кезегинде жактоочу Орунтаевдин үстүнөн арыз жазганын билдирген.
Фото www
Окшош макалалар
- «Манас» бажысы 6 тоннадан ашык апийим куурайы баңги затын ташып келүү аракетине бөгөт койду
- Акылбек Жапаров Гамбург шаарынын биринчи мэри Петер Ченчер менен жолугушту
- Акылбек Жапаров АКА-Банктын башкаруучу директору Марк Венчик менен жолугушту
- УКМК: “Кадастр” мамлекеттик мекемесинин жооптуу кызматкерлери кармалды
- Кыргызстанда 25-октябрдан тарта көмүрдүн баасын мамлекеттик жөнгө салуу киргизилет