Садыр Жапаров Эрдоганды президенттик шайлоодогу жеңиши менен куттуктады
Куттуктоосу:
Президент Садыр Жапаров Режеп Тайып Эрдоганды Түркиядагы президенттик шайлоонун экинчи айлампасындагы жеңиши менен куттуктады.
"Урматтуу бир тууганым Режеп Тайып Эрдоган!
Сизди президенттик шайлоонун экинчи айлампасындагы ишенимдүү жеңишиңиз менен чын дилимден куттуктайм.
Түркия эли Сизге чоң ишеним артып, өлкөнү социалдык-экономикалык жактан өнүктүрүү жана жарандардын бакубат жашоосун камсыз кылуу жаатындагы багытыңызды колдоп беришти.
Түркия ачык, атаандаштык жана демократиялык шайлоонун үлгүсүн көрсөттү.
Биздин өлкөлөр ортосундагы достук жана бир туугандык мамилелер мындан ары да стратегиялык өнөктөштүк жана боордоштук деминде бекемделе берерине толук ишенем", - деп президент социалдык тармактагы баракчасына билдирүү калтырган.
Фото www
Окшош макалалар
- Түркмөнстандын президенти Сердар Бердымухамедов Кыргызстанга келди
- Кыргызстанга Азербайжандын президенти Илхам Алиев келди
- Россиянын президенти Владимир Путин Кыргызстанга келди
- Чолпон-Атада Садыр Жапаровдун төрагалыгы астында "ЕБ – БА"саммити башталды
- Садыр Жапаров менен Эмомали Рахмон Чолпон-Атада жолукту (фото)