Подмосковьедеги массалык мушташтын айынан Кыргызстандын жараны көз жумду

Подмосковьедеги массалык мушташта 19 жаштагы Кыргызстандын жараны көз жумду. Бул туурасында фейсбук соц. тармагынан жарандык активист Улан Кошматов билдирди.

Мушташ 2018-жылдын 28-июлунда Люберцыда болгон.

Кошматовдун маалыматы боюнча, Өзбекстандын жана Кыргызстандын жарандарынын ортосундагы мушташтын айынан Ош областынын тургуну Айбек Алмазбек уулу каза болду.

- Анын денеси азыр өлүкканада, мушташтын бардык катышуучуларын полиция кармады, - деп жазат активист.  

- Каза болгонду мекенине жөнөткөнгө уруксат кагаздарын иликтөө иштери бүткөндө беришет.
Ал арада Кыргызстандын Москвалагы элчилиги бул маалыматты текшерип жатабыз деп Vesti.kg сайтына жооп беришти.

- Кызматкерлер окуя болгон жерге жөнөп кетишти, азырынча расмий тактоолор жок, - деп маалымдашты андагылар.

Зулайка Эркимбаева
Сүрөт www