Өкмөт Албек Ибраимовго ишеним көрсөтпөө тууралуу Бишкек шаардык кеңешинин чечимин ала элек
Ал ортодо мыйзам боюнча мэрди эмгек өргүүсүндө жүргөндө кызматтан алууга болбостугу белгилүү болду
Бишкек мэри Албек Ибраимов мыйзамга ылайык кызматынан ушул жылдын 8-августунан кийин гана кетүүгө болот. Мындай түшүндүрмөнү Vesti.kg сайтына өкмөттүн аппаратындагы оздүк маалыматтар билдиришти.
Белгиленгендей, КР Эмгек кодексинин талабы ушундай.
- Мыйзамга ылайык кызматчыны эмгек өргүүсүндө жүргөндө кызматтан алууга мүмкүн эмес, - деп такташты министрлер кабинетинен. - Албек Ибраимовдун эмгек өргүүсү 8-августка чейин созулат.
Ал ортодо өкмөттүн аппаратынын пресс-кызматы Vesti.kg сайтына Бишкек шаардык кеңешинин Албек Ибраимовго карата чечимин ала элекпиз деп билдиришти.
- Биз азырынча шаардык кеңештен документтерди күтүп жатабыз, андан соң гана бирдеме деп үн катабыз, - деп жооп беришти өкмөттөн.
Өткөн жумада Бишкек шаардык кеңешинин депутаттары көпчүлүк добуш менен мэр Албек Ибраимовго ишеним көрсөтпөөсүн билдиришти.
Мэрдин отставкасы тууралуу акыркы чечимди премьер-министр Мухаммедкалый Абылгазиев кабыл алат.
Бакыт Стамов
Сүрөт www
Окшош макалалар
- Бишкек шаардык сотунда Албек Ибраимовдун ишин карашат
- Мэр айылдыктарды УКМК каршы "тирүү калкан" катары колдоном деп коркуткан
- Бишкек мэри Албек Ибраимов камалды
- Өкмөт Бишкек шаардык кеңешинин Албек Ибраимовго ишеним көрсөтпөө чечимин алды. Бирок премьер жок
- «Мэрге ишенбөөчүлүк - бул иш жүзүндө бийликти кайра бөлүштүрүү»