Ош шаарында жарамазан айтып жүргөн баланы жолбун ит каап алган (сүрөт)
Саламаттыкты сактоо министрлиги жабырлануучу кутурмага каршы вакцина алганын билдиришти
Ош шаарында жаш балага жолбун ит кол салып, тиштеп алган. Ит кутурма оорусу менен жабыркаган болушу мүмкүндүгү айтылууда. Бул тууралуу Super.kg агенттиги маалымдады. Муну менен бирге басылмада жабырлануучу бир саат бою тез жардам менен милиция кызматкерлерин күткөнүн дагы белгиленген.
Vesti.kg Саламаттыкты сактоо министрлигине балага медициналык жардам көрсөтүлгөнүн билүү үчүн кайрылды.
- Кечээ кечки саат 10до бир нече жаш бала көчөдө жарамазан айтып жатышкан экен, - деп такташты КРнын СС министрлигинин басма сөз кызматында.- Алардын бирөөсүнө жолбун ит кол салып, тиштеп алган. Бала 2008-жылкы. Окуянын күбөсү 102, 103 кызматтарына телефон чалган. Андан кийин жабырлануучуну өзү Ош облус аралык балдар ооруканасына жеткирип барган. Балага травматология бөлүмүндө тез жардам көрсөтүлгөн. Ага кутурмага каршы вакцина берилди. Азыркы учурда баланын абалы канааттандырарлык. Ал бөлүмдө тийиштүү дарылануусун алып жатат.
Медина Купсулдаева
Фото www
Окшош макалалар
- Манас проспектисинде мыйзамсыз орнотулган объекттерди алуу уланууда (фото)
- Кыргызстандын футбол курама командасынын ичинен эң кымбат оюнчу ким?
- Футбол союзу: стадиондун курулушуна акча бюджеттен бөлүнөт
- Кыргызстандан Казакстанга 25 кгдан ашык зер буюмдарды алып өтүү аракети болгон
- Кыргызстандык оор атлетчилер Азия чемпионатына катышат