Икрамжан Илмияновду өтө ири өлчөмдө алдамчылык боюнча күнөөлөп жатышат
Президенттин мурунку кеңешчиси УКМКнын тергөө абагына 28-ноябрга чейин киргизилди
Экс-президенттин мурдагы кеңешчиси Икрамжан Илмияновду өтө ири өлчөмдөгү алдамчылыкка күнөөлөп жатышат. Бул тууралуу Vesti.kg сайтына Жогорку соттон билдиришти. Мурда Биринчи май райондук соту Илмияновдун бөгөт чарасын 28-ноябрга чейин УКМК тергөө абагына камакка алуу менен көргөн.
Эске салсак, Vesti.kg сайтына 19-октябрь күнү Икрамжан Илмияновго издөө салынгандыгын билдиришкен. Эртеси эле аны Москвадан кармап, Кыргызстанга алып келип коюшту.
Ал арада президенттин мурдагы кеңешчисине карата ишкерден пара алган коррупция фактысы боюнча арыз түшкөн деген маалыматтар пайда болду.
Кеп Илмияновдун 150 миң доллар пара алгандыгы тууралуу болгон. Бирок ал убакта УКМК ага кылмыш ишин козгогон эмес.
Вероника Малышева
сүрөт www
Окшош макалалар
- Икрамжан Илмияновду УКМКнын тергөө абагындагы жалгыз адамдык камерага которушту
- Нурдин Сулайманов: «Менин оюмча, Илмиянов психилигиялык стресске дуушар болду»
- Жактоочу: Мага Икрамжан Илмияновдун ким жөнүндө маалыматтарды айтып берип жаткандыгы белгисиз
- Икрамжан Илмияновдун жактоочусу кармоо мыйзамсыз болду дейт
- КСДПнын депутаты Икрамжан Илмиянов тууралуу: «Жөндөн жөн иш козголбойт»