Дастан Бекешев: Кыргыз эли Раимбек Матраимовго миллион сомго жакын акча карыз..
ЖКнын депутат Бажы кызматынын төрагасынын мурдагы орун басарынан материалдык кенемтеден баш тартууну өтүндү
Кыргызстандын эли Бажы кызматынын төрагасынын мурдагы орун басары миллион сомго жакын акча карыз болуп калды. Бул тууралуу ЖКнын депутаты Дастан Бекешев өз сайтына жазып, анын төркүнүн да түшүндүрүп кеткен.
«2016-жылдын киреше жана чыгаша декларациясын эске алуу мунун Раимбек Матраимов аргасыз ишке келбеген күндөрү жана ээлеген кызматынан мыйзамсыз бошотулганы үчүн мамлекет, башкача айтканда, эл компенсация иретинде дээрлик 1 миллион сом карыз болуп калды. 2016-жылы расмий киреше катары 587 миң сом көрсөтүлгөн, ал эми 2017-жылдын 1-январынан 23-ноябрга чейинки убакыт үчүн мен декларация тапкан жокмун.
Менимче, Раимбек Исмаиловичтин сотко кайрылууда башкы максаты кызматына кайтып келүү эмес, мыйзамсыз жумуштан алынганын далилдөө болчу.
Раимбек Матраимов сотто өкмөттүн буйругун жазган кесипкөйсүз юристтердин жардамы менен мүмкүн утуп алгандыр. Мына эми ошол кесипкөйсүздүк миллион сомго жеткирип отурат. Эл буга күнөөлүү эмес да. Акчаны болсо элдик акчадан төлөш керек болот.
Андыктан, мен Раимбек Исмаиловичтен эч нерсеге муктаждыгы жок адам катары, аткаминерлердин кесипкөйсүздүгү үчүн бюджетти кечирип, бюджеттен акча албай эле койсоңуз деп суранып кетет элем. Кайрымдуулук максаттарына да. Мүмкүндүктөрдөн уучуңуз кур эмес, кайрымдуулук иштерин өз каражаттарыңыз менен деле жасай аласыз.
Премьер-министге болсо кеңеш: мыйзамсыз деп табылган Раимбек Матраимовду ээлеген кызматынан бошотуу тууралуу буйрукту даярдагандарды жумуштан алыңыз; булардын сизге да кедергиси тиейт».
Фото www