УКМК: Айбек Калиевди медсанбөлүккө которууга негиз жок
Ошентсе да мекемедегилер «Улуттук энергохолдингдин» мурунку төрагасына зарыл болгон учурда квалификациялуу медициналык жардам көрсөтөбүз деп билдиришти
УКМК тергөө абагында камалып жаткан «Улуттук энергохолдингдин» мурдагы төрагасы медсанбөлүккө которууга муктаж эмес. Бул тууралуу улуттук коопсуздук комитетинин пресс-кызматы Vesti.kg сайтына билдирди.
«Азыркы учурда Калиевдин абалы туруктуу. медсанбөлүккө которууга негиз жок. Зарыл болгон учурда квалификациялуу медициналык жардам көрсөтөбүз», - деп белгилешти мекемедегилер.
Мындан мурдараак мурдагы чиновниктин жактоочусу Бактыбек Жумашев Vesti.kg сайтына берген маегинде өзүнүн коргогон адамынын ден соолугу тууралуу даттанган эле.
Анын сөзү боюнча, Калиев сыртта жүргөндө тийешелүү дарылануу албагандыктан аябай арыктап кеткен. Ал өнөкөт гастрит жана пиелонефрит оорулары менен жабыркап жүргөндүгүн айткан.
«Улуттук энергохолдингдин» төрагасы Айбек Калиевди коррупция боюнча күнөөлөп, баш коргоо чарасын камакка алуу менен көргөндүгүн эсиңиздерге салабыз.
Алтынай Темирова
Фото www
Окшош макалалар
- «Манас» бажысы 6 тоннадан ашык апийим куурайы баңги затын ташып келүү аракетине бөгөт койду
- УКМК: “Кадастр” мамлекеттик мекемесинин жооптуу кызматкерлери кармалды
- УКМК: Кылмыштуу топ түзүү фактысы боюнча ИИМдин Баңгизатты мыйзамсыз жүгүртүүгө каршы кызматынын кызматкерлери кармалды
- УКМК: Салык кызматынын кызматкери ишкердик субъекттеринен системалуу түрдө акча талап кылуу боюнча кармалды
- УКМК: Талас электр тармактар ишканасында туруктуу коррупциялык схема аныкталды